تبلیغات
اروم نیوز، تحلیل بلاگ، اورمیه سسی ، آذربایجان سسی ، اورمو سسی ، - نده ن تورك یازیچی وشاعیر لری باشقا دیللرده یازمیشلار
آیا تعطیلی پنجشنبه هارا حق مردم و به مصلحت استان آذربایجان غربی میدانید ؟



تعداد نویسندگان اروم نیوز : 6 نفر
كل مطالب ارسال شده: عدد
هسته ی مرکزی مدیریت اروم نیوز: 2 نفر
آخرین بروز رسانی :
دامنه اروم نیوز: www.urumnews.ir
دامنه جدید اروم نیوز : www.urumia.orq.ir
قدرت گرفته از : اپراتورهای شخصی کارگروه اروم نیوز !

خبرگزاری آذردیلی نیوز آذربایجان غربی

تورک خالقینین یازارلاری نین موشکلاتی


نده ن تورك یازیچی وشاعیر لری باشقا دیللرده یازمیشلار



اروم نیوز ((‌‌ اورمیه سسی )) : توركلر مین ایلدن آ شقین بو جغرافیا دا (آذربایجان،ایران،افغانستان،اورتا آسیا)هگمنلیك لرین سوردورموشدورلر ایسلامدان  سونرا ایندی  بو ایران آدلاندیریلان اؤلكه ده  بیرینجی  حاكمیت سامانیلرین هگمنلیگی اولموشدور ....


 سامانیلر كی عرب سویلو وایسلام خلافتینین الی آلتیندا حوكوم سوروموشدورلراونلاردان سونرا تورك لرین حاكمیتی غزنویلریله باشلامیشدیرتا پهلویلرین گلیشینه قدر/اوراجان كی بیلیریك پهلویلرایسه رسما اینگلستا نین الیله حاكیم اولموشدورلار فارس دیلینین ده حاكمیتی  پهلویلرله  باشلامیشدیر.

بوتون یازیچی لارین وتاریخجی لرین باخیشینا گؤره ایسلامدان سونرا بوتون زامانلاردا بو آدلارینی چكدیگیمیز جغرافیادا  اوچ دیل ایستفاده  اولونموشدور .1-عرب دیلی  2-تورك دیلی  3- فارس دیلی

1-عرب دیلی دین   فلسفه  علم   تجارت وعرفان دیلی  اولموشدور

2- تورك دیلی حوكمدارلیق اوردو  شعر عرفان ودین دیلی اولموشدور

3- فارس دیلی  دولت  شعر  دین وعرفان دیلی اولموشدور

تاریخ  بویو بو ا وچ  دیل بیر بیریله  یاناشی  چوخلو  قونو لاردا ایستفاده  اولونموشدور آنجاق اساس یازی دیلی اوزه للیكله  شعرو نثر (دین فلسفه وبیلیمسل قونولاردا) دیلی عربجه اولموشدور و فارس دیلی عرب دیلی له یاناشی شعرو ادبیاتدا ایشلنمیشدیر آنجاق تورك دیلی بو ایكی دیله نسبت آز ایستفاده اولونوب  وآز یازیلمیشدیر نده ن عرب وفارس دیللری بیر تورك  اولكه سینده  و تورك  هگمنلیگینده تورك دیلیندن چوخ  یازیلیب وادبی لشمیش دیر بو سورغویا آشاغیدا جواب  وئریریك.

1ـ عربلر آذربایجانا ایرانا واورتا آسیایا یوروش ائدیب و غلبه چالاندان سونرا بو جغرافیا نین اینسانلاری موسلمان لاشمیشدیرلار وایسلام ایدئولو‍‍‍‍‍‍‍‍‍ژی سی بیر اوستون وغالیب ایدئولوژی یه چئوریلمیشدیرو ایسلامین كولگه سینده عرب دیلی بیر حاكیم دیل كیمین یئرین توتموشدور  وچوخلو اینسانلارین كونوللو ایسلامی قبول ائتدیكلرینه گوره بیر تورلو عربلشمه پروسسی گئتمیشدیرواینسانلار كونوللو عربجه اؤیرنمه یه اوز گتیرمیشدیرلر چون عربجه اؤیرنمك  قوتسال (مقدس) كیتابیمیز قرآنی ویاخود باشقا دینی كیتابلاری اوخویوب وآنلاماغینی راحات ائدیردی.

2ـ عرب دیلینین موكمل بیر دیل اولدوغو و اوزه للیك له چوخلو قونو لاردا  دولغون اولدوغو باشقا دیللری كولگه ده  ساخلامیشدیر(شعروادبیات )

3- اونجه دن بعضی اثرلرین عرب دیلینده اولماسی  عرب دیلینین ادبی ویازی فورما دوشمه سینین قاباغین آچمیشدیر.

4- عرب لشمه پروسسینده باشقا دیللره قارشی كونول لو بیر آسیما لاسیون گئدیردیر واینسانلار عربجه بیلمك دن ویازماقدان غورور دویوردولار.

5- اینسانلار آراسیندا اؤنم داشییان ایدئولوژی امت چیلیك و موسلمان چیلیق ایدئولوژی سی اولموشدور نه میللت چیلیك –میللت چیلیك ویا غربی معناسیندا دئسك ناسیونالیزم آوروپا دا  18 ینجی عصیردن باشلامیش ودونیایا یاییلمیش دیر و شرق جغرافیا سیندا ایسه19 نجو عصرین سون لاریندان باشلامیشدیر ناسیو نالیزمین تمل فاكتلاریندان اولان دیل  وكولتور امت چیلیك آلانیندا تماما یئرسیزدیرا واساسدان اینسانلار آراسیندا هانسی دیلده یازماق آرتیق اؤنم داشیمیردیر.اوسته لیكله عربجه یازماق بوتون ایسلام دونیاسینا سؤز یئتیرمك آنلامینا گلیردیر.

آنجاق ایندی بو سورغو قاباغا گلیر بس نده ن فارسجا یازمیشلار ؟

دئدیك كی ایسلام ایدئولوژی سی آلتیندا عرب دیلی بیر هژمونیك دیله  چئوریلمیش  و باشقا  دیللری كولگه ده ساخلامیشدیرو او اساسدان  فارس وتورك دیللری عرب سؤزلرینله  دولمایا  باشلامیشدیربو آرادا عرب دیلینین نفوذو فارس دیلینده داها ائتگین اولموشدور اؤزه للیكله شعر ساحه سینده  فارس دیلی عرب دیلینین  تام اؤزونه  دونموشدور(فارس دیلی بوتون شعرقا لیبلری وعروض وزنینی عرب دیلیندن آ لیبدیر) یعنی فارس دیلینین اؤزونه اؤزه ل هئچ بیر شعرقالیبی یوخدور دئدیگیمیز نده نلردن دولایی عرب دیلینده یازان اینسانلارا فارس دیلینده یازماق( اؤزه للیكله شعرساحه سینده) داها راحات اولورموش      دیل اوزمانلارینین باخیشینا گوره عرب دیلی سامی ویا تصریفی دیللرین قولوندان -فارس دیلی تحلیلی دیللردن وتورك دیلی التصاقی دیللردن ساییلیر- بو آرادا تورك دیلینین عرب وفارس دیللریندن فرقلی بیر یاپی یا وقانون قایدایا مالیك اولدوغواساسدان بو دیل عرب دیلینین شعر قالیب لری وعروض قایدالارینی اؤزونده منیمسه مه میشدیرو تورك دیلینده عرب فورمالاریندا شعر یازماق داها چتین اولورموش  نئجه كی  بویوك اینسان  مولانا فضولی  بو سورونا  ایشاره ائتمیشدیرآنجاق سونرا لارتورك دیلینده ایسه عرب قایدالاریندا  شعر یازیلمیشدیر (نسیمی –فضولی وباشقالاری)

فارس تاریخ ادبیات كیتابلارینی واراقلایاندا  گورونور كی اوچونجو عصیردن اؤنجه هئچ بیر ادبی فلسفی ویا خود علم ساحه سینده یازیلی اثر یوخدور عربلرین ایرانی فتح  ائتمه سیله  وایسلام  دینینین آیدینلیغیلا یاناشی اوچونجو عصیردن سونرا فارس دیلینده اثرلر یارانماغا باشلامیشدیروبوتون یازیچی لار ایستر تورك  اولسون ویا خود  فارس اولسون 90فایز یازیلارینی عربجه  یا زمیشدیرلار اؤرنك اولاراق بویوك  تورك عا لیم و فیلسوفو فارابی ویا بویوك طبیب و فیلسوف ابن سینا كی اثر لرینین95 فایزین عربجه یازمیشدیرلار .

سونوج اولاراق علاوه ائتمه لییم كی فارس دیلینین اساسا علمی و فلسفی  قونولاردا  بیر آخساق وناقیص دیل اولماسی اینسانلاری عربجه یازماق مجبوریتینده  قویموشدوربو سورون هله ده فارس دیلینده دورماقدادیر وحداد عادلین سؤزلوك   فابریكاسی بوسورونو هله ده  چؤزه بیلمه میشدیر.



:: مرتبط با: تحلیل ها , تورکجه ,



:: برچسب‌ها: تورک , نویسندگان تورک , مشکلات نویسندگان آذربایجان , تورک ادبیاتی ,
ن : شورای نویسندگان
ت : سه شنبه 24 اردیبهشت 1392